2014年6月11日

讓身心靈深呼吸 (Dermagram 氧活細胞全效護理)

最近忙於工作、結婚、打點新居等等,
我發現自己已經到達不勝負荷的頂點,
整個人的心情以致身體都很低落和脆弱,而當然吧,
皮膚正正就是首當其衝,第一時間受到最大影響,
也是我的身體狀況最大最直接的反映。


剛巧這個時候有機會做Dermagram的氧活細胞全效護理,
對我來說絕對是一次拯救!至少可以小睡片刻嘛。
是次Facial我來到Dermagram位於中環的分店,
非常寧靜的環境,美容師及顧問也很友善,
沒有被催促的感覺,換好鞋子,便入房換好衫等美容師替我做Facial。



先講講準備功夫方面,雖然我平日少做Facial,
也看到Dermagram的貼心,房間內有樽裝水及補妝用品,
另外亦有一個通知美容師的小按鈴,
避免了換好衣服以後不知等人敲門還是自己大叫的尷尬。



看看Before照,沒有上妝,只畫了眉毛,
在寫文的這一刻看著這照片,其實已尚算正常了,
現在在電腦面前的我可謂不堪入目…
回到正題,面色有點蒼白,沒有生氣,毛孔也在擴張叫救命,
但幸好盡得父母遺傳,點捱都唔太差,
只是對比於睡得飽沒壓力的時候就比較失色。


過程分為三部曲,在簡單潔面之後,
會先塗上精華,然後用一個定點活氧棒的東西做導入,
主要於眼、面、頸位置為細胞注氧。
感覺像一陣又一陣風吹過,涼涼爽爽的,
為剛才於中環鬧市跑上來的我降降溫,好舒服。
之後很有趣,那工具就好像平日化高清妝用的噴槍,
在面上只上氧氣,促進皮膚吸收氧及精華。



看到這裡你可能跟我一樣有所懷疑,
甚麼氧氣不氧氣?
一呼一吸間不就是大吸氧氣嗎?
光用噴的就可以讓皮膚吸收?!?!
我馬上問美容師,
她說此機的不是普通氧氣,乃是純度高達94%的分離氧氣,
比現在呼吸的空氣純度提升5倍。


說到底,氧氣到底會不會被皮膚直接吸收?
我做了一些小調查,從生理醫學角度來就,
向皮膚表面提供氧氣,具有調節和改善皮膚表層環境的作用。


















最後一步曲的氧活細胞面膜,我最為期待!
就是先以水潤修護面膜打底,
再鋪上面連頸膜(來到這一步我已很喜歡,沒有氧氣也OK!)
最後戴上透明的氧氣面罩吸入純氧,
原理是透過呼吸形或吸收純氧回復身體機能,
我睡得很熟很放鬆,所以在真實體驗中,我認過這一Part最為有效。



做完Facial後我馬上趕去拍攝工作,明顯精神亮麗,
也非常的貼妝,那天的照片拍得超上鏡的!
到今日,已經做完Facial近兩星期了,
效果大約持續了3天左右,算是持久的一種,
這類Facial大家請明白需要持之以恆,同時保持良好生活習慣才成,
所以單憑持續性及即時效果,我認為效果也不錯,
預期中的亮白美肌達成了,
水油平衡還好,但沒有Keep住做所以很快打回原形,
反而健康光澤及彈性我覺得頗明顯的!



如果你都想試試,可以預約時間一試,
放心,我知道這裡除了OL還有不少學生哥,
首次體驗價為$138而已,
物價騰貴,小型美容院都offer不到的價錢,
就可以做到名牌特別Facial,
有心試又有能力兼有需要的朋友可以試試。
***
































2014年6月9日

頭髮都要搽Sleeping Mask?

由細到大我都很怕打理頭髮。

以前未試過任何漂染,
長長秀髮雖然柔順有光澤,
但非常扁塌,容易出油,
所以我都會早上洗頭才出門,
盡可能延長頭髮乾爽的時間。





















▲攝於2003年,17歲

長大後,因為貪靚及種種原因,
電燙染髮樣樣做齊,
頭髮早已受損不再常常出油,
但隨之而來的就是無了期的開叉及乾旱
而且本來髮量就不多的我又不敢每天都用捲髮棒造型來掩飾問題,
因此對一頭雜草實在無能為力。

























▲攝於2012年,25歲

直到今年我才真真正正去面對頭髮損傷問題,
陸續因為工作關係接觸到各式護髮產品,
暫時最喜歡的是摩洛哥髮尾油及TSUBAKI的修護精華!
感覺最明顯也無重不黏膩,
而今天則評評另一個日本品牌Essential吧。


















Essential於早年殺入香港,是日本花王Kao旗下品牌,
還記得當年以佐佐木希及徐若瑄兩位亞洲女神作招徠,
成功擄奪消費者芳心!
香港TVC的口號「修護髮尾15cm」及「天使光環」至今仍記憶猶新呢,
所以Essential產品一推出我已馬上購買,
感覺嘛,就是很香很香和很香了…
修護算是ok,尤其蜂蜜髮膜,但整體都是偏重,很快就會令頭髮變油,
就是這個原故,我知道自己的細軟無力髮質與Essential無緣。




洗護不合用,但急救系列試試都無壞吖!
Essential的Damage Care系列,共有3位成員,
左起包括Hair Serum、Treatment Water及Treatment Milk,
而三個產品的最大共通點就是--免沖水!
最適合成日話無時間又懶得做Treatment的人使用。


首先說說Hair Serum,是類似油狀的,透明色,
與一眾同類型產品分別不大,
最大的優勢是日牌跟歐美的香料就是不同,
花果香味非常甜美可愛,
乾濕髮都可以用,洗頭後半乾塗上效果較好,
吸收程度不錯,表現中規中矩啦。

最有趣的是這個,Treatment Milk,
用法跟上面的Hair Serum大致相同,
但宣傳定位做得好,打正頭髮的Sleeping Mask旗號,
大大提高使用興趣呢!


的確,頭髮於晚上被枕頭摩擦了一整晚,
髮絲亂舞而且十分乾燥,但早上才洗頭又不能馬上乾透,
所以這個問題一直困擾著我,
收到Treatment Milk之後我有跟著用法,
晚上洗頭後先塗上再睡,
高效鎖水配方令一覺醒來的頭髮變得柔順水潤,
雖然談不上是完全不會凌亂(這是沒可能的啦),
但效果尚算滿意了。

最後是抗熱Treatment Water,沒有太特別,
都是正常的抗熱力配方,於造型前使用就是了!
值得一讚的是Treatment Water和噴咀都設計得好,噴出來的水珠很細,
所以令頭髮有水份但不會太濕影響造型效果,
這一點比不少品牌做得出色!

總括來說,Essential系列包裝精美,價格相宜,
但功效來說我只可以中庸地說句不過不失,
當然啦,整體絕對合格有餘,
尤其喜歡頭髮香的會話就更加喜歡喇。
***





























2013年12月13日

banila co.也趕到來香港了!


終於,banila co.也趕到來香港了!

以往去韓國掃貨,都會有極多朋友搭單要買B記,

特別是卸妝膏及底妝系列,所以一直都對她很深印像,




不過坦白說,從沒有認真試用過,呀,正確來說是從沒有用過。
因為我向來對韓國底妝「一般般」,可能韓妹皮膚實在太好,

所以bb cream總是太薄,毫無遮瑕力,搽完等於無搽,

要不就是厚過龍焗到飛起,用正常粉底好過,

基於這樣的印象,一直提不起興趣去用

一直到今年,見到banila co. 呢個韓國牌子入左來香港,仲話係韓國83日賣10萬支,吹都咁勁,我好奇心下想拆佢招牌‥點知一試就上左癮!簡直係化韓妹底妝必備之選! 
今次也試試用她家的產品化個韓妹底妝吧!
我的素顏....

眼圈較深,膚色也不太均勻,

而且也看到暗瘡印,

而第一步就先用日本蔵人魔法水打打底吧,
至少要讓皮膚回復水份彈性,喚醒肌膚。



之後我會先試試banila co.很熱賣的皇牌Prime Primer妝前底霜,

這個我也幫朋友帶過不少回港,今次終於輪到我自己用喇!

質地好薄身,我唧左5毫子的份量再向外推,

結果出奇地好推不殘留,我feel到皮膚真的滑了許多,
兼睇到收細左毛孔同撫平左D千年暗瘡凹凸印!
好多時候個妝唔夠貼或者好快甩,
就係因為本身皮膚本質太差唔上妝,
但支妝前底霜就幫我上左層超薄隱形灰,等我有最好狀態去上妝。

好了,cc cream我們又遇上,等我來好好會一會你,

老實說第一次見到的感覺不太好,咪又係cc cream,又係成街都係cc cream

而且佢個色是勁白,遮瑕是零,
所以我完全提不起勁,甚至完全沒有推介過!

後來我看到產品簡介,就知道「怪錯好人」,

事實上b家的cc cream標榜的是薄身、修護、光澤,

我先用手揸上面,同揸Prime Primer妝前底霜手勢一致,咁就不會起膠條,
用手的熱溫令cc cream修護成份滲入皮膚,可以美白同保濕,的確用完皮膚KEEP住水潤,修護呢part算係過關啦。


初初試上面,勁似揸左防曬,成塊面勁白,但過左一陣佢會同自己膚色融合,即時提亮同精神左但個質底仲係好薄,個感覺好似無揸野咁!
再仔細看看原來有很微細的光澤粉末,

令皮膚透亮起來但不油膩,那一刻我開始知道點解韓國同香港迷對b記呢個牌子cc cream咁瘋狂啦!聽聞連韓國三大電視台的主播個化妝袋一定有一支添!


如果你的肌質很好,單用可以提亮、均勻膚色,

但想遮暗瘡印黑眼圈嗎?就不能依賴她了。



來到我最怕的bb cream,今次真的又一驚喜!

雖然重點應當落在最新的cc cream身上,

之但係我個人最喜歡的卻是bb cream呢。



無他,非常薄、輕、爽,

但遮瑕力卻非常棒!

眼圈、暗瘡印都可以應付,算是合格了,

上面的感覺清透,不黏膩,
到現在超過8小時了,仍然清爽不脫妝,非常舒服,
摸上去即幼細潤滑的,的很喜歡,香味也討好啊,
也可以考慮混合It's Shiny Shimmer base使用,
類似是benefitLight beam highlight吧,
banila co.的獨特唧唧設計卻令本來沒甚麼驚喜的產品變得有趣易用。


最後就是Prime Primer碎粉了,透明的,任何膚色適用,

很細很細,幾乎沒有顆粒的狀態!

Keep到很長時間,而我最近學會了韓妹的碎粉用法,

原來只會掃於鼻旁、眼底,
其餘地方保持光澤,而出油處則輕輕印上碎粉,
難怪皮膚有光澤卻毫不油膩。


粗眉、淡眼妝就不用多說了。
配合冬天,我用少少It's Shiny Shimmer base溝埋唇膏,做左勁自然爆拆感胭脂,

可愛度即時提升!哈哈哈!

不過拆了駁髮就要化點心思弄頭髮了,

否則會很扁塌呢。

總括我最推介cc creambb cream,其次是Prime Primer妝前底霜及碎粉,

抵用之選就係Shimmer base,因為佢不但可做base仲可以做highlight,溝埋唇膏仲可以做胭脂添!一物三用!




















就這樣了,有興趣的可以去全線SaSa看看。而家仲做緊冬季優惠,而家去到今個月31號買
牌產品就送Tea Party 面膜,買cc cream兼買夠$200仲送$50現金券添!b迷千祈不要錯
過啦!
banila co.專櫃:
Sa Sa Supreme(銅鑼灣禮頓道 77 號禮頓中心 2 


2013年12月9日

懶人冬天暖笠笠瘦身 韓國PPC神纖油


講到減肥,我都係乖乖地控制飲食,做運動同埋著功能內衣,
因為我相信無不勞而獲,堅持永遠係必勝法!
有時有網友問,有無唔辛苦唔反彈減肥方法,
我都只能夠答返D好實際嘅方法,
唔係唔想答,而係想有成績實在唔可能完全不付出!
 
當然啦,落手落腳親力親為的方法都有分辛苦D同輕鬆D
相比嚟講,做運動當然係攞命D
但跑步的而且確係最快最Work嘅!
鍾意跑步嘅朋友,不妨努力跑吓喇,
至於怕攰嘅,可能以下計仔幫到你喇。
 
唔知大家有無聽過溶脂針呢?
以前做過韓國醫學美容公司,早就聽過醫生講神級PPC溶脂針的神奇功效,
甚至見到Before & After真係馬上有分別!
打完支針即刻瘦晒,可惜香港係禁咗,唔係可以隨便搵間美容院就打得,
所以呢個PPC針我只係見過,無緣會真身喇。
 
跟住上個月,有朋友俾咗支韓國PPC神纖油我,
我無理擺埋一邊(因為日日都有嘢試鬼試到咁多咩)
如是者半個月過去,朋友Whatsapp問我覺得點,
我應酬話:okok呀」,但朋友明顯對我呢個答案唔滿意,
佢話:「咩鬼嘢ok呀?即係點呀?
我尋晚搽完個肚著火咁滯喎!今日真係瘦晒firm晒呀!!!!!」
(聲線係1000分貝)
聽完我即刻醒一醒神,markreminder即晚返屋企試吓支PPC油!
 
我成世人最想瘦就係大脾,見個朋友講到咁,
搏晒老命唧咗23泵,打圈按摩足5分鐘,
本來搽完無咩嘢,點知過咗一陣熱到痴線!!!!!
睇返原來唔好貪心,1泵就剛剛好,會暖暖地不至太熱,
加上冬天,少少溫熱感正好暖得舒服,
第二日起身見到真係firm咗!照鏡睇到,著褲更加Feel得到!
 
不過我即刻好緊張睇吓有無搞到皮膚好乾裂開,
因為呢類熱熱減肥膏真係好大整蠱,永遠搞到水份流失皮膚乾爆,
仲要只係去水唔係燒脂,
但呢個PPC神纖油就無呢個問題,
因為佢係無辣椒成份,
個原理係利用親油性滲透科技,經超微細技術處理,
可以滲到入皮下脂肪層真正發揮到效用,
當脂肪細胞吸收後會逐漸被溶解及打散,
增加血液循環及改善新陳代謝而達到瘦身效果,
所以相對比較持久同實際,而效果都好快見到,
最適合又怕辛苦又懶郁嘅朋友。
 
我自己試過最Work嘅方法係,
先沖個暖水涼,令血液循環變好先,
然後再用1泵輕輕打圈按摩,雙腳、手臂、肚腩都OK
最後我就再著埋BodiBra全身的功能內衣,
令滲透效果更加好!
第二朝就會明顯得多,
唯一就係無得搽面,但係少少地搽吓個下巴仔都係可以嘅,
如果呢個方法啱你就試試啦!
***












Related Posts Plugin for WordPress, Blogger...